10-23 (thurs) 殭屍和我有個誤會

“老表, 你好hea!”係我近期最期待o既劇集…1) 當然係因為舊年“老表你好嘢!”好好笑, 同埋d歌仔好好聽…2) 近期社會太多戾氣…要平衡吓, 無無聊聊亂咁笑吓咪好囉!

睇咗三集…第一集做人物介紹係有d悶o既…第二集開始已不停有抽水位, 如果你知佢抽咩水, 堅係好笑o既! 同埋有d位我第一次睇可能會miss咗添…要rewind番再睇…好彩身邊不停會有朋友一早劇透晒d重要情節叫我睇, 真係唔知多唔多謝哋好!



第二集king sir惡搞tbb劇集“經典對白”…超抵死…

1) 你餓唔餓? 我煮個麵你食…
2) 你有無理過我感受?
3) 發生呢d事大家都唔想…
4) 一家人最緊要齊齊整整
5) 做人最緊要開心



…救命! 笑死! 仲要用唔同o既tone去演繹! 跟住又惡搞埋次次埋門一腳都攞唔到視帝o既馬明做“視帝馬明”…有無太抵死? 仲有老林同老蘭o既默劇…同埋由”430穿梭機”到”閃電傳真機”再到”至net小人類”再再到”放學放晏d” (hahahaha!) 做足三十年的譚玉瑛姐姐...仲要一齊唱我細個好鍾聽o既兒歌“共享陽光”! 救命! 童年回憶返晒埋嚟!



跟住連自己的”雞汁”也惡搞埋…但最最最估唔到, 係連對台最經典o既劇集”我和殭屍有個約會”o既主題曲都有機會出現喺tbb, 仲可以見番馬小玲…真係神抽! 呢個crossover實在令人感到世界大同…好滾動! "殭屍和我有個誤會"呢個名…堅係笑咗! 連隔離台o既神曲都可以出現喺tbb…呢套劇堅係有d料到! 我相信結局可能會惡搞埋cctvbbq!



睇到網上有d討論話張繼聰喺舊愛梁嘉琪面前show肌…點解呢part我好似無留意到? 要搵番先! 仲有個咩”srk (soft rice king) 持續進修專業技能提升文憑課程”都好好笑…痴線! 呢套的確令人期待…真係每天都要睇…去到邊都要睇…老表乜乜乜…

Ok, 學4pm許sir話齋…let me recap in chinglish…lo biu mud mud mud…

2013-2-2(sat) 老表你唱得好好嘢~~~

2013-1-21(mon) 老表你好嘢+我是歌手