2013年2月2日星期六

2-2(sat) 老表你唱得好好嘢~~~

呢兩日o係fb不停有朋友post尋晚王祖藍同王菀之o係“老表你好嘢”唱“我真的受傷了”o既片段…又真係好好聽!

睇“老表”其實最正唔係d笑位…而係好多好歌聽囉! 王祖藍唱歌真係比佢扮女人更吸引…由佢當年o係“東方之珠”特登扮郭晉安把聲幫郭晉安幕後代唱已經可見一斑!



(王菀之 x 王祖藍 - 我真的受傷了 @ 老表你好嘢)



(王菀之 - 你的名字我的姓氏 @ 老表你好嘢)



(王祖藍 – 舞女 @ 老表你好嘢)

當然唔少得呢首我好鍾意好鍾意聽o既祖藍首本名曲…”跌落凡間的天使”…



wow! 馬小玲x美少女戰士…四十幾歲可以keep成咁…d咩o靚模真係要行埋一邊!



對比番24年前…真係無咩大分別…少女同少婦年代的萬二蚊一樣咁正! 嘩! 唔講都唔醒起…今晚“歲月聲”台應該播到89年亞姐喇…呢屆無論佳麗質素定製作都真心讚…仲有伍姑娘o個個”河水不犯井水論”…一定要睇!



尋晚睇咗林子祥 x 趙增熹o既“絕對熹祥”音樂會…好好睇! Ah lam d歌真係百聽不厭! 同埋佢呢個年紀都仲唱得好好好有中氣! 當然, 熹熹編曲亦係有一手啦!