2010年4月28日星期三

4-28(wed) “共同渡過”+鍾懿 - “閃閃星晨”

上星期去o左睇一個舞台劇, 係譚偉權gary哥哥o既“共同渡過”, 雖然知道佢話係“獨腳音樂劇”…但我又真係無諗過會“獨腳”成咁! Gary哥哥唱歌係得, 不過頭半部真係有d悶…仲要“劇情-wise”真係比較薄弱…搞到人好懷念同樣係由佢主演o既音樂劇“喝彩”, 因為真係好好睇!

後段o係無expectation之下又出奇地估佢唔到…即刻加咗d分...同埋都真係有d meaning o既…叫大家要珍惜眼前人! 個ending 都ok…最後仲無啦啦有何超儀出現客串...有驚喜! 不過頭半部真係麻麻!


(喝彩片段)

本來我o地見佢話趙增熹係音樂總監, 諗住可以一睹佢o既風采…點知最終佢都無露面…失望o左一個添…:p! 不過散場後見到gary哥哥, 更重要o既係佢老婆顏菁葦(唔係之前講“閃電傳真機”有讀者留言話佢嫁o左俾gary哥哥, 我都真係完全唔知佢o地係一對!)…即係“閃電”o既idy姐姐/"笑看風雲"裡面鄭伊健同古巨基個妹包文鳯!!! 你記得佢嗎? 嘩, idy姐姐同gary哥哥都keep得好好呀…佢兩個都係不老的傳說o個批! 佢o地應該都差不多40啦…但個樣仲好青春, 你話佢o地得廿幾我都信!



gary哥哥o係劇入面講到佢現實生活中o既母校“華仁書院”同埋佢o個隊樂隊infrared…台下即刻好多人叫囂…原來infrared樂隊真有其事...唔怪得知台下咁大反應...



當然, 一講起gary哥哥, 即刻又想聽番佢首90年代經典兒歌"十二隻恐龍去野餐~~~"啦 (真正o既歌名係"白石嶺公園"先o岩)…呢隻歌真係就算你唔識佢個歌名, 都一定識哼兩句…



另, 之前已經講過, 但忍唔住要講多次…真係好鍾意b哥哥個女鍾懿...佢真係超得意!!! 上次睇“娛樂頭條”見佢o係醫院門口清唱"閃閃星辰"已經覺得佢好得, 今次o係紅館對住咁多人唱都唔驚...有版有眼, 做晒動作咁…真係天生o既performer! 最緊要係佢好有童真..唔似得其他藝人下一代咁老積! 好可愛, 仲要好醒目o個吓抵死, 咬字又好清晰…好buy呢d小朋友! 讚!


(“閃閃星晨”- 鍾鎮濤、鍾懿 @演藝界情繫玉樹關愛行動大匯演)