2008年1月27日星期日

1-27(sun) 港姐回顧

嘩…無意中o係網上搵到呢個“港姐回顧” …真係好詳盡! 激讚! 好有心, 好detailed, 真係名副其實o既pageant fans!!!

七十年代o既港姐我真係唔多識, 未睇過亦都無咩機會睇番…八十年代其實88年之前我都唔係太熟, 84年前直頭係未識睇添啦…其實84年後都唔見得係識睇, 只係跟表哥表姐一齊睇過, 幾歲o既小朋友…人睇我又睇咁囉…! 九十年代我熟d, 提過o既佳麗我都記得…真係好詳盡, 所以話, 電視迷真係一山還有一山高啊! 大路o個d成日都講, 講o下呢d無咁大路, 甚至可能已經被遺忘o既啦…!

八十年代


http://miho0311.blogspot.com/2007/03/1981-1989.html


84年

曾道美- 被譽為『縮水狄波拉』,其藐嘴藐舌模樣最像拉姑。落選後拍過電視劇『新紮師兄2』。

[芒按:“新紥師兄續集”裡面曾華倩個好友[後反目], 原來之前係陶大宇女友 [網上資料: 八四年,陶大宇剛從訓練班畢業不久,女友曾道美選美落敗,後簽約成為無線藝人,曾參演《新紮師兄》,不過陶大宇為了事業,從未公開關係,最後更分手收場。] 真係唔講唔知…!]

85年

青春小姐:劉淑華 Marina Lau - 被譽為最成熟的青春小姐,頗擅長跳舞。在那個年頭通常被選為港姐決賽的歌舞表演主角都是無線力捧對象,所以當無線宣佈劉淑華為86年港姐決賽的歌舞表演主角時,觀眾都大感意外主角之選並不是謝寧。其後劉淑華被派演處境劇『城市故事』的女主角。80年代尾退出娛圈,曾經寫書,是才女一名。

[芒按: 嘩哈哈哈…“被譽為最成熟的青春小姐”!!! 超抵死!]

86年

崔嘉寶 - 落選後加入無線,拍過大量劇集例如『火玫瑰』等等,大多數都是第二女主角。現已婚,丈夫是業餘賽車手。

[芒按: 崔嘉寶選港姐o架咩?]

林其欣 Josephine Lam - 當年的次熱人選,參選前曾是商台DJ,任職時曾牽涉入一宗桃色糾紛中,話說另外兩名男DJ陳輝虹及安格斯均同時追求林其欣,一日兩人在商台大堂狹路相逢,大打出手,有人更怒碎玻璃大門。林其欣落選後曾拍過一部電影『不夜天』,當中有露點演出。其後加入無線直至年前才轉投商界

[芒按: “話說另外兩名男DJ陳輝虹及安格斯均同時追求林其欣,一日兩人在商台大堂狹路相逢,大打出手,有人更怒碎玻璃大門”…真係匪夷所思…同埋無綫當年力捧佢, 我都覺得同樣地匪夷所思!!!]

鄭燕玲 Kitty Cheng - 現職EEG褓姆,人稱Kitty媽。鄭燕玲甚有扮野才能,她每一年都會在EEG的春茗中落力演出,很有睇頭。”

[芒按: 原來阿kitty媽都係選港姐出身! ]

87年

87年係最經典, 整體質素最高一屆, 亦都係得到最多國際選美獎項o既一屆:

亞軍:李美鳳 Elizabeth Lee (兼最上鏡小姐) – “88年曾代表香港到台灣參加國際佳樂小姐,但因主辦單位擺了大烏龍,同時邀請亞視派出亞姐李菁參選,鬧了雙胞。最後李菁被提議改為『九龍小姐』,但遭李菁拒絕並憤然退選。這件新聞當是真的相當哄動”

[芒按: 有d咁o既事咁搞笑? ]

季軍:林顈嫺 Wing Lam - 未參選前已是娛樂圈中人,因為曾經做過『開心少女組』成員。

[芒按: 林穎嫻原來係開心少女組o既咩? ]

黃燕芳 - 落選後做回模特兒,95年曾報名亞姐(當年無年齡限制)但落選,及後下嫁了歌手大AL。

[芒按: “嫁了歌手大AL”?!?!?!??!?!!]

伍婉琛 - 落選後銷聲匿跡,但到了94年忽然簽約飛圖,做了一碟歌手。

[芒按: 伍婉琛我記得, 但我唔知佢選過港姐!]

88年

冠軍:李嘉欣 Michele Resis (兼國際親善小姐) - 中葡混血兒,中學畢業於香港瑪莉諾中學,據講會考有2A6B成績。14歲時已拍香口膠TVC,18歲參加港姐。當時其男友為倪震,二人經常出雙入對,好一對金童玉女。到了準決賽,本是最上鏡小姐大熱的李嘉欣,卻敗陣於狀態稍佳的陳淑蘭手上,無不嘩然。幸好在總決賽中回復狀態,順利登上寶座。同年10月李嘉欣代表香港參加由無線主辦的第一屆國際華裔小姐(現已改名為國際中華小姐),連奪最上鏡小姐及冠軍。11月她再代表香港到英國參加世界小姐,以2分之微輸掉給韓國小姐,10名不入。翌年5月,李嘉欣原本要到墨西哥參加環球小姐,連民族服裝及晚裝都試好了,誰知在臨出發前,李嘉欣以健康為理由退出,於是無線臨急臨忙找來季軍張郁蕾頂替。當時有傳李嘉欣退選的原因是她接受了一位富商『照顧』,而該段時間正好要陪伴富商外遊。

[芒按: 呢段好笑…點解無綫會俾? 同埋佢“最上鏡小姐”輸俾蘭子又的確係搞笑o既! ]

季軍:張郁蕾 Cynthia Cheung - 為國語片明星葉楓的姨甥,入選後其『美貌』一直被受質疑,但最終以半冷姿態打入3甲。

[芒按: 呢句都好抵死…! ]

89年

植敬雯 Diameter Chik - 天生一副淫相,拍過幾部電影,不過全是大茄角色。

[芒按: 連89年落選o個d植敬雯, 麥欣華都有…好勁! 我好記得呢一屆, 因為真係有勁追…o個屆鍾意梁佩瑚, 佢係1號, 植敬雯2號呀嘛! ]

...發覺原來真係好多參加港姐落選o既佳麗會走去參加亞姐, 本來以為得幾個, 原來夾夾硬硬都唔止十個…真係好熱衷喎!

九十年代


http://miho0311.blogspot.com/2007/04/1990-1999.html


90年

季軍:梁小冰 Noel Leung – 身材超嬌小,準決賽後被視為黑馬,在總決賽的環節『型格大挑戰』中因失手把帽掉在地上,登時使出一招『坐地擺pose』而贏得全場掌聲,最後更殺入3甲。當選後加入無線,拍過很多電視劇。年前跟另一男藝人陳嘉輝結婚,2人現已轉向國內發展。梁小冰更會於今年內升任為媽咪。

[芒按: 梁小冰當然唔算唔大路…但只係想point out佢當年呢招“坐地擺pose”真經典…相信如果唔係呢個失誤, 佢反而可能贏唔到! 同埋關於其他落選佳麗的descriptions都好搞笑!]

92年

亞軍:劉殷伶 Patsy Lau (兼國際親善小姐) - 來自三藩市,是一名心理學學士。參選初期毫不起眼,直至準決賽方受注視。最後憑大方淡定表現加上優秀的學歷連奪兩獎。當選後也有參加過幕前演出,例如郭富城的希臘音樂特輯等等。卸任後即返回美國,現況不詳。

[芒按: 呢個我可以提供資料喎: 後來讀o左law, 仲成為某律師行的partner…呢個都係我上年度其中一個“驚人發現”! ]

張蘭英 Linda Cheung - 巨胸一族,表現像遊魂。

[芒按: 好中point啊…咪就係“表現像遊魂”囉!]

蕭玉燕 Joanna Siu - 落選後入過無線,長年做二打六。去年下嫁一有錢人,明周也有報導。

[芒按: 仲記得05年無啦啦發夢見到蕭玉燕(其實可能因為o個期睇得太多”刑偵”), 仲有06年o係sogo見到佢真人…真係逢x’mas都同佢有緣o架喎! ]

93年

季軍:余少寶 Middy Yu - 由DJ車淑梅提名,參選前在法國供讀會計課程,可惜說得一口嚇人法語。卸任後曾在娛樂圈發展,更一度與李錦聯傳出緋聞。二人曾替壹周刊拍下一輯『性感』照,令人噴飯。及後退出娛樂圈從投校園並完成了法律課程。年前結了婚做其少奶奶。

[芒按: 好鍾意呢段o既descriptions…爆笑!]

國際親善小姐:劉飛飛 Christina Lau - 從三藩市回港參選,一口唔鹹唔淡的廣東話製造了很多笑話。當選後為明珠台主持過節目,卸任後返回美國繼續學業,現為一名執業律司。

[芒按: 劉飛飛應該加埋因為佢呢個咁特別o既名, 同期先出現o左王菲隻“流非非”呢個歌名!]

94年

季軍:李綺虹 Theresa Li (兼最受傳播媒介歡迎獎) – 在加拿大的埃德蒙頓長大,是百份百竹升妹,為人既主動又開朗,曾多次參加3項鐵人賽。其不鹹不淡的廣東話更經常令人喪笑,故甚得記者們歡心。總決賽中表現出色,尤其在多個對答環節中的精彩演出,委實令人拍爛手掌,惜最後也只能屈居季軍。當選後無線給與很多演出機會,第一套參演的電視劇為『阿Sir早晨』。

[芒按: 李綺虹參演o既第一套電視劇應該係“開心華之里” …套劇仲好快摺埋o左添!]

最具演藝潛質獎:張可頤 Maggie Cheung - 另一5強佳麗,曾於91年以Tina之名成為組合『PP Gals』的成員,可惜一碟玩完,其後轉做OL。94年再戰港姐,甫亮相已被視為熱門。作為最具演藝潛質得主,當選後順理成章成為力捧對象。03年憑『九五之尊』奪得『我最喜愛的女主角』,但可惜得獎後表現過於扮野,被各界勁藐。

[芒按: 哈哈…呢段又係勁爆笑, 但係又幾準確喎! 雖然我幾buy張可頤做戲, 尤其超級欣賞“難兄難弟”o既寶珠, 不過佢o係港姐決賽同埋03年台慶得獎時的表現, 連我都不敢恭維! 希望佢依家會改變o左啦! ]

鍾潔怡 – 落選後加入無線,角色大多數是同事A或秘書B,現已離開娛樂圈。

[芒按: oh, my “favourite”凌祖絲!!!! 藍嘉文…你係殺人兇手!!! 仲有周凱珊同趙美裕都好似有留o係娛樂圈發展o左一陣呀…不如講埋佢o地啦!]

95年

陳霽平 Maria Chan - 自小在加拿大接受教育,英文叻過中文。落選後加入無線,較為人熟悉的演出有『金枝慾孽』中寶禪一角及飲品『Sunrasia』英文版TVC中的一輪嘴流俐英文。

[芒按: 哈哈哈…救命! exactly呀…超抵死! ]

張潔蓮 Jacqueline Cheung:參選前是幼稚園教師,落選後加入無線順理成章主持兒童節目,並一直至今,大有機會成為第二個譚玉瑛。

[芒按: 哈哈哈…又係抵死! 前排見佢o係”通天幹探”居然做律師, 真係毫無說服力…都係做譚玉瑛姐姐接班人比較適合! ]

張貝茜 Jullien Cheung - 入無線長期做二打六。

[芒按: 邊個o黎o架? 仲有o係無綫o架? 有無人知佢咩呀? (oh, 我search到喇, 都好似認得有呢位演員, 但從來唔認得佢係落選港姐, 亦唔知佢做o左咁多年!) ]

96年

96 冠軍:李珊珊 (兼最上鏡小姐及最受傳播媒介歡迎獎) - 參選時只得18歲,是一名中六學生,雖然一口懶音但憑著一副36C迫爆身材而成為頂頭大熱。最後不負眾望連奪3獎。97年代表香港參加國際華裔小姐獲得亞軍,到邁阿密參加環球小姐則獲得第45名(共74位佳麗)。卸任後全身投入演藝工作,98年拍攝電視劇『烈火雄心』時與錢嘉樂擦出火花,可惜2人於前年分手。而近年李珊珊最令人有印象的演出必定是那個非常意淫的『著住金色比堅尼與蛇共舞』纖體TVC。

[芒按: 哈哈哈! ]

97年

97冠軍:翁嘉穗 Virginia Yung (兼最上鏡小姐、東方美態大獎及都會魅力大獎) – 留學溫哥華,參選初期毫不起眼,直至無線高層何麗全出口力讚才受注目。結果在準決賽中激敗任葆琳、歐芷婷及歐陽妙芝幾位熱門,先拔頭籌獲得最上鏡小姐,令人意外。及後更在總決賽中再奪3獎,實在令人難以信服,造馬聲四起。98年她代表香港參加國際華裔小姐獲得進入5名,到夏威夷參加環球小姐則在網上投票中排第2。卸任後不久就爆出與亞軍李明慧爭奪鄔友正事件,十分轟動。最後翁嘉穗以勝利者姿態出現,並閃電結婚,過著富態生活。年前誕下兒子Jason,現除做少奶奶外,偶爾也會參加慧妍雅集的活動。

[芒按:…佢同李明慧段爭仔歷史又係經典…即使依家經過海馬都淨係諗起佢o地!!! ]

彭家怡 Jenny Pang - 來自多倫多,是港台靚女DJ彭睛的妹妹。

[芒按: Oh…呢個又真係唔知喎! ]

98年

98國際親善小姐:殷莉 Josephine Yan - 參選時的志願是成為外交家。有點樣衰衰的殷莉,可算是最不親善的國際親善小姐。

[芒按: 哈哈哈…救命…呢個我又係好認同! 早前仲無啦啦見到佢主持亞視下什個投資節目“理財博客之投資多面睇”…不過依家好樣o左d, 同埋感覺pro d!]

梁珮盈 Fiona Leung - 論美貌是98年的精選,但可惜表現過份低B,最後5強也不入。落選後只拍過一套『真情』,其後結婚生子去了。

[芒按: 好一句”表現過份低b”簡直係絕, 又係超認同! 佢o係”真情”做羅生津個樣係唔錯, 但一開口真係…想打巴佢! 近年都成日o係中環撞到佢, 似係做o左OL喎! ]