11-29(wed) 李克勤婚禮

發覺呢個禮拜d娛樂新聞, 唔係結婚就生仔…咁都好o既, 起碼都係d比較開心o既事! 最高興就當然係李克勤個盛大婚禮啦…一向我o地都話覺得盧淑儀最幸福, 一出道無耐就唔洗做有人養 (好食懶非的人o既志願…當然係不勞而獲啦…哈哈哈!)…仲要俾佢搵到李克勤…o係圈中都算係一個好男人o架喇 (至少relatively)…睇o黎盧淑儀都係好命o個批!

“下 月 便 滿 39 歲 的 李 克 勤 和 現 年 33 歲 的 盧 淑 儀 ， 經 歷 過 13 年 的 風 風 雨 雨 後 ， 終 於 情 花 結 果 ， 昨 天 假 尖 沙 嘴 洲 際 酒 店 舉 行 婚 宴 。 由 劉 德 華 和 盧 淑 儀 胞 妹 擔 任 伴 郎 伴 娘 ， 梁 榮 忠 、 劉 偉 恆 和 監 製 錢 國 偉 任 戥 穿 石 ， 姊 妹 團 包 括 鍾 麗 淇 和 蔡 少 芬 ， 至 於 譚 詠 麟 （ 阿 倫 ） 和 陳 百 祥 （ 阿 叻 ） 則 任 婚 禮 領 導 人 ， 吸 引 逾 百 傳 媒 到 場 採 訪 。

克 勤 為 體 貼 傳 媒 ， 下 午 已 發 放 通 告 描 述 婚 宴 安 排 ， 字 裡 行 間 不 失 幽 默 作 風 ， 他 形 容 婚 宴 簡 單 而 隆 重 ， 又 寫 道 ： 「 並 無 買 樓 送 外 父 抽 獎 大 行 動 ， 亦 未 計 劃 馬 上 生 育 下 一 代 ， 只 是 跟 家 人 好 友 聚 首 一 堂 開 開 心 心 食 餐 飯 。 」

克 勤 在 通 告 中 更 指 出 ， 席 間 菜 式 很 簡 單 ， 「 並 無 之 前 報 道 所 指 的 魚 子 醬 和 鵝 肝 ， 而 溫 拿 樂 隊 演 唱 會 將 於 農 曆 年 紅 館 舉 行 ， 並 非 於 我 們 婚 宴 上 開 騷 。 」”



…克勤果然係funny o個批…寫o野都funny過人! 更funny o既係“劉德華送了大份人情及放有他和克勤合照的電子相架。”…點解人o地結婚, 劉華會送上“放有他和克勤合照”o既相架咁搞笑? 係都應該放有克勤同盧淑儀合照o既相架呀…確係有趣!

D結婚相又真係影得幾靚, 畢竟佢兩個都算係靚仔靚女! 但係盧淑儀個妹真係同佢一d都唔似樣, 反而有d似商台個dj vani! 兄弟同姊妹團居然分別有梁榮忠同鍾麗淇…究竟佢兩個係分o左手定仲係一齊呢?! 一比較之下, 發覺嫁到克勤真係好過嫁梁榮忠好多囉…起碼佢唔會出去搞三搞四 (至少表面上無啦), 同埋會俾個名份佢! 鍾小姐跟著梁榮忠…都真係幾無運行!



“被 爆 兩 年 前 秘 密 嫁 富 商
Race 講 婚 書 　 前 言 不 對 後 語

現 年 24 歲 的 2R 成 員 黃 婉 伶 （ Race ） 昨 被 爆 兩 年 前 秘 密 下 嫁 現 年 39 歲 的 新 加 坡 富 商 陳 靖 諧 ， 但 她 昨 晚 否 認 已 婚 報 道 ， 更 暗 示 被 揭 發 的 婚 書 是 偽 造 ， 但 她 卻 承 認 婚 書 上 的 名 字 跟 自 己 的 譯 名 相 同 ， 顯 得 有 點 矛 盾 。

Race 在 胞 姊 Rosanne 和 環 球 唱 片 中 文 部 副 總 裁 Tony Yapp 陪 同 下 ， 昨 晚 在 尖 沙 嘴 臨 時 召 開 記 者 會 ， 澄 清 報 道 。 2R 甫 到 場 看 到 大 批 記 者 守 候 即 說 ： 「 我 地 出 碟 都 唔 見 你 咁 多 人 。 」

問 到 Race 是 否 已 結 婚 ？ 她 一 直 迴 避 ， 幾 經 記 者 追 問 ， Race 先 擰 頭 ， 然 後 才 笑 說 ： 「 我 冇 結 婚 。 」 可 是 雜 誌 刊 登 了 她 的 婚 書 ， Race 承 認 婚 書 上 黃 婉 佩 的 英 文 譯 名 跟 自 己 的 相 同 ， 但 卻 否 認 已 婚 ， 那 是 否 意 味 那 紙 婚 書 乃 偽 造 ？ 她 說 ： 「 咁 就 唔 知 啦 。 」 Race 的 前 言 不 對 後 語 ， 令 人 對 她 的 解 釋 不 可 信 。

Race 否 認 已 婚 ， 言 語 間 暗 示 婚 書 乃 偽 造 ， 《 東 周 刊 》 執 行 總 編 輯 黃 庭 桄 昨 日 在 電 話 說 ： 「 我 地 呢 張 婚 書 係 派 記 者 遠 赴 新 加 坡 ， 循 正 途 向 當 地 婚 姻 註 冊 處 申 請 官 方 文 件 ， 絕 對 有 理 由 相 信 係 真 ， 但 Race 否 認 ， 我 地 都 尊 重 佢 o既 私 人 決 定 。 」”

…其實結o左咪認囉…咁樣都好難解釋到o架喇! 哈哈…阿race話點解呢個記招仲多記者出席過佢o地新碟發佈會? 咁當然啦…呢單新聞好似有新聞價值同娛樂性過2r有碟出多多聲囉!

另外, 呢段“馬國明扮鄭伊健對蒙嘉慧唱一生愛你一個”唔知大家有無睇過呢? 真係好好笑…o個晚睇“娛樂直播”已經覺得好好笑…一定要同大家分享o下! 估唔到馬明都有少少扮o野天份囉…



之前睇“娛樂直播”又見到宣傳幾套倉底貨…當然美其名叫“翡翠首映”啦! 嘩! o個套婚姻乏術有當年無線第一男主角羅嘉良破天荒配苑瓊丹囉…好搞笑! 仲有未大紅o既胡杏兒, 又有蘇玉華, 謝天華, 黃德斌…cast都幾“強勁”呀…可惜我部錄影機壞o左, 錄唔到o黎睇o下添!

仲有另一套翡翠首映…其實一集都無睇過, 只係咁o岩睇到個網頁…我係想講, 居然見到我o地呢期講開o既久違了的“何美鈿”囉…不過好似已經播完o左喇, 無得睇添…“神捕十三娘”…週一至週五 深夜3時15分.