7-23(sun) 我和殭屍有個約會3

“殭3”係基本上個名同之前o個兩輯一樣再加上勉強叫做仍然有馬小玲+況天佑+況復生o係度之外, 其實完全係另一個故事!

我亦明知佢會唔多好睇, 但仍然堅持要追睇埋佢, 都只係因為一樣o野…情意結!







跟本第2輯時已經拍到無o野可以再拍…阿尹天照同埋萬綺雯亦都已經老晒 (雖然阿照不嬲都幾老o下…但都勉強可以話咁先似殭屍; 至於萬綺雯…個感覺真係幾out o下…雖然對腳應該無理由會短o左o既o者…但總係覺得無咁靚咁!)…同對上一輯相差成4年, 其實咩都變晒啦! 連o個時個得意小朋友張國權, 無見幾年都變成一個懶型青年…幾可怕o下! 劇中佢仲要撩阿麥家琪姨姨…好恐怖呀!

連阿媽睇到都話: “o下?! 呢個就係復生? 點解變成咁?! 細個靚仔好多!”…其實我覺得係討好好多先真! 既然佢都變o左個“佬”, 唔再得意…其實我覺得無咩必要叫番佢出o黎做啦!



反而做況天佑同馬小玲個女況天涯o既郭家頤, 睇睇o下都幾靚女喎…係唔明點解夾硬要整個女出o黎o者! 同埋唔好搞到連馬小玲都變埋殭屍啦! 基本上我成套戲都唔多明, 今次除o左個監製轉o左, 連成套戲個風格都轉o左…個故事仲要懶玄懶憚咁…唔知想點! 又要講俾“命運”支配, 又尋找“永恆國度”咁…太複雜, 太難明…一d都唔viewer-friendly…仲不時要夾硬refer番去之前兩輯o既故事度…直頭係簡單複雜化, 吃力不討好!

睇臨尾o個幾集我直頭一邊睇一邊要rewind番去咀嚼佢每一句…但都有好多位唔知佢做緊咩囉…恕我蠢! 不過o個幾集已經係全套“殭3”最好睇o既位…之前有好多集都係好悶o既!


(初時聽“殭3”隻主題曲, 覺得難聽到無人有…點知聽o左幾十集之後, 又順耳o左喎!)

其實“殭屍”係一套好戲, 仲要係一套我好好好鍾意o既戲…不過如果佢識見好就收會更加好!