6-11(sun) 美女廚房

oh, 今日個錄影機唔知搞咩鬼, 居然全晚o既節目都錄唔到…我好鍾意睇“美女廚房”o架嘛…點解會咁o架?! 有無人有錄o左, 或者知道邊度有得睇番…請告訴我…!!!

講開呢個“美女廚房”節目, 真係幾好睇…有我最欣賞o既鄭中基已經笑爆嘴啦! 佢搞gag真係搞得唔錯…唔係人人都識搞笑, 仲要o岩晒節奏…爛gag王比比皆是! 呢期佢真係紅, 三個男主持佢+方力申+梁炳之中, 都係以佢為首 (btw, 點解三個主持都係金牌經理人o既?! 呢個節目係 “金牌”贊助o架?)…同埋我覺得鄭中基真係好樣+型仔o左好多…係咪真係“人紅自然靚”o既定律?!

睇o左兩集, 都真係幾好笑呀! 有我好鍾意睇o既“爆笑急轉彎”o既精粹…因為o個個節目最好睇就係個煮[食送]環節…今次d所謂美女個個都亂咁o黎, 睇佢o地煮[食送]已經好笑, 再加埋d好抵死o既主持 (esp. 中lay) 同埋嘉賓試食時o既評語同埋表情…真係想死…賤格都爆囉! 所以我勁推介呢個節目!



oh! 好幾年無睇拉闊音樂會, 除o左因為無再簽manhattan id card之外, 亦因為無咩邊個演唱會吸引到我…呢幾日收到個“20060804 o既拉闊黃金十年”音樂會pamphlet, 有hocc, 千fa, 陳eason, wyman, 仲有mark lui…全部都係上個十年我o地witness住由無變有o既單位, 彷彿睇住佢o地成長…我o地亦都由中學生變成大學生再變成…?!?!

又係一份情意結, 所以呢個音樂會吸引到我! 但我無分啊…有無人可以話我知仲有咩方法拿飛呀呀呀呀呀….?!?!??!

又睇到一段好搞笑o既報導…搞笑在唔知佢想講咩…又係一貫o既 “左手又係肉, 手背又係肉”style! 什麼“你地同行手上呢個[手查]住十個樂基兒，o個個[手查]住一百個樂基兒。”???? 佢係咪講緊諾基亞 (nokia)? 仲有“某雜誌已經起雙飛，飛左道德個道、品德個品，加埋缺德精神，所以都係講少兩句。”…好鍾意…真係好九唔搭八! 黎天王果然係黎天王…講親o野都超entertaining!

--------------------------------------------------------------

同遊日本鬆晒 樂基兒任人魚肉黎明冇符

早前和女友樂基兒從日本返港的黎明，昨日以「童心大使」身份出席《照耀童心路》記者會。問到日本是否好玩時，黎明避重就輕地說：「今次個Job好簡單，唔係玩，去上海連續拍兩個月戲，難得鬆一鬆，所以抖左一日半。」

問及為何帶女友同行時，黎明說：「冇刻意帶，樂基兒o既o野唔好再問我。你地同行手上呢個[手查]住十個樂基兒，o個個[手查]住一百個樂基兒。鍾意就話佢去上海、日本，冇得控制，所以唔講喇！某雜誌已經起雙飛，飛左道德個道、品德個品，加埋缺德精神，所以都係講少兩句。（咁心情有冇受影響？）呢?野自己控制，唔會受影響，呢樣野好芝麻綠豆。」