2006年1月17日星期二

1-17(tues) 2005十大勁歌金曲頒獎禮 (上)

今日都係唔講芷珊姐姐住…因為我未寫完…哈! 同埋既然“雙面依人”同學都問我點解仲唔講 “勁歌總選”, 我都覺得o岩o既, 呢個咁重要o既show, 都應該要打鐵趁熱出o左先, 費事太out 啦!

雖然呢幾年同十年前o既我相比, 對樂壇頒獎禮已經無咁熱衷 (以前會特登唔出街?o係屋企睇), 但當然仍會落力咁睇o既…尤其“勁歌總選”始終係最有影響力o既頒獎禮…亦都係d歌手同埋所有香港觀眾最重視o既頒獎禮! 無線又確係最大台, 最入屋…真係無得講o既!

其實睇o左呢個頒獎禮成廿年, 都知道係咩一回事, 邊個?亦都無咩所謂…不過當然你喜歡 (at least唔憎)o既歌手?, 你梗係高興d o既! 公唔公平亦都唔洗太在意, 因為公平根本無一個準則! 只要唔係太偏離大眾o既喜好, 咪當佢公平囉…最緊要係做得好唔好睇o者!

今年o既賽果都尚算稱心, 只係女歌手又俾o個個假到爆 (我係指無論個人定個樣) o既樂壇李笑好 (我真係好欣賞阿jan諗到呢個咁貼切o既外號俾佢) 容祖兒?有d乏味囉…但都ok o既, 各花入各眼啦…同埋反正依家大家都唔係好在意呢d獎, 以前咁多屆邊個?男女歌星我都記得晒…但到2000年開始, 我真係搞到亂晒, 好明顯大家對呢d頒獎禮已經無80或者90年代咁熱衷…從大家唔會再為o左追頒獎禮而?晒o係屋企可見一斑 (雖然當晚條街確係少o左d人, 但我諗其實唔係太關呢樣事)!

(呢段係我同容氏姊妹花飯局後加o既: 我絕對相信楊千嬅今年?唔到最受歡迎女歌手係因為我個“爛妃”…如果當日唔係佢delete o左楊千嬅張相, 佢今年一定?到最受歡迎女歌手獎…我深相一定係咁! 太過份喇…真係俾佢邪住晒! 同埋完全爛晒!)

男歌手賽果就正常過正常, 亳無驚喜 (雖然我2002年時同人講話克勤會?最受歡迎男歌手, 俾人笑到我抽筋…覺得我真係非常風趣!)…但克勤作為無線契仔, 無線識做時時佢都識做…明知無驚喜, 咪自己製造d驚喜囉…無啦啦o係台上宣佈結婚, o係毫無驚喜下幫無線搞o左個高潮位, 製造talking pt…咁識do, 抵俾佢o既! (你知啦, 無線最喜歡係製造gimmick嘛!) 同埋仲可以互惠互利…本來佢?男歌手無咩o野好講, 但一宣怖婚訊即刻上到頭條喇…呢d咪薑愈老愈喇! 克勤確係“叻人新世紀”…我幾時都咁欣賞佢!

佢咁做又可以為大家製造歡樂話題…d歌手個個都拍晒手歡呼戥佢高興! 而佢自己o既開心又真係好真o既, 見佢直頭高興到台前台後都跳o下跳o下! 恭喜晒我偶像囉!

佢開心時, 最唔高興o既好明顯係eason同古巨基…兩個都黑晒面咁! 尤其係知道金曲金獎係“無賴”時, 佢兩個好明顯好失望!

Image hosted by Photobucket.com

但係“無賴”得獎我好高興 (尤其高興聽到利孝和夫人用佢把超沙聲讀“無賴”讀得好搞笑…唔知點describe, 請自己去聽o下)…o岩o岩節目開始時先同人講我覺得呢隻係全年最hit o既歌, 但係諗住tvb應該未必會俾佢, 正路應該會俾“夕陽無限好”…最驚真係俾o左隻“大長今”主題曲“希望”, 咁就真係笑爆嘴喇! 好彩最終真係俾番“無賴”! (雖然我知阿雙面依人同學你唔認同我) 但最失敗係佢第一次唱“無賴”時, 鏡頭居然無影番落去佢d女人度…無線好少會唔捕捉呢d鏡頭!

曾志偉話鄭中基96年?完新人獎就十年都無發過巿, 但其實如果我無記錯, 佢97年隻“人若然忘記了愛”都好似?過“最佳音樂錄影帶獎”(因為我好記得佢mv?面拿住婚紗奔跑o個一幕)…唔好講到懶坎坷咁, 反而克勤o係02年之前就真係好多年無?過獎喇!

始終都係容祖兒俾人塞得最勁, 個個都鄙佢…上次商台又係特登要踩佢, 好明顯佢同行內人關係麻麻! 曾志偉今次又話佢最適會做鍾無艷…即係話佢醜! 次次唔係話佢整容, 就係話佢醜, 今次仲講埋佢單方面自製緋聞…作為一個女仔俾人咁話…都幾慘o下!

不過最好笑o個part都係林敏聰出o黎講o個part…加埋佢個人無句真o既style, 又真係幾好笑o既!

阿總經理陳志雲先生真係好鍾意搶鏡…每次出o黎頒獎都唔放過o翕一輪o野表現自己o既機會…其實佢真係應該做司儀rather than高層!

無線編排d獎o既前後都做得唔錯, 尤其係放何韻詩首歌o係第十首…大家 (包括佢自己) 都以為會無獎, 最後食到個尾糊, 的確係喜出望外…氣氛製造得幾好! 但係唔明點解佢仲會被列入傑出表現獎o既category?! 佢應該係同楊千嬅一班o架嘛…就算唔係計出道時間, 計出第一隻碟時間, 都已經係5年前啦…無理由佢仲會同藍奕邦, 陳苑淇同一?o架?! 呢個獎係都應該俾佢緋聞男友劉浩龍?啦!

但真係估唔到, kelly?豬肉獎之中o既豬肉獎--“亞太區最受歡迎女歌手”都喊番兩o野…d戲進步o左好多! 但最可憐o既係佢?呢個獎之後理應唱一隻當晚未唱過o既歌…點知佢無歌唱到要唱番“希望”國語版!

同埋, 最估唔到係第二日tvb週刊封面已經出o左男女歌星o既封面…咁快出到, 都唔知係咪一早影定o既?!

(待續)