2005年9月14日星期三

9-14(wed) 九十年代的五虎+五美

講開其實傅明憲同古巨基, 其實o係無線o既年代, 真係唔覺佢o地熟…係後來傅明憲離開o左娛樂圈, 佢o地又反而變成懶係好友咁喎…次次古巨基演唱會, 都會見佢出席支持! 佢o地有無一齊拍過邊套劇呢?! 我又真係o翕唔出!

我淨係記得佢o地曾經係10年前無線力捧o既新五虎同五美…為喚醒大家o既記憶, 再o係呢度數多次o個十位仁兄…包括雙古 (古巨基+古天樂…亦都係五虎之中最紅o既兩位…其實係未form五虎之前已經紅o左!)…另加兩個到依家都半紅不黑o既劉愷威同吳家樂, 仲有一個相信無人會再記得佢o既“城市追擊”主時何遠恆 (後來好似唔知同人打交定咩事俾無線飛起o左佢)!

話時話, 其實劉愷威都紅過兩o下o架…o係“真情”o既初期佢都幾討好, 係後來同鄺文珣分手搞到核核突突咁…男人之家好心有d風度啦, 因為呢件事完全扣晒分! 98年佢仲出過隻碟, 佢首“偷進你的夢”, 我o係卡拉ok都有唱過幾次…不過相信依家已經被刪除o左!

至於吳家樂…更加曾經風頭一時無兩! 記得佢94年初初出道, o係“呀sir早晨”飾演leon其中一個學生…戴住副金絲眼鏡, 一派“學生王子”look…真係可謂迷倒萬千少女(儘管我一d都唔明點解)! 我記得當年真係有好多同學仔都話好鍾意佢, 仲話要去買佢d相同閃卡! 情況就好似當年譚小環選港姐時成為信和“賣相天后”…依家睇番同樣咁匪夷所思! 真係花無百日紅…譚小環就真係靚o左當選o個一日咁大把…佢當日的確係靚+討好, 亦的確係實至名歸…但唔洗到十年後o既今日睇番…即使係當選後幾個禮拜睇番…都覺得: 有無搞錯呀?!

之後見佢去唱埋歌, 就更加係親手將自已o既事業推向谷底! 依家見佢o係“妙手3”做個克人憎“才女”角色, 都戥佢慘! 見佢十年以來都係做d咁o既3線角色, 仲要多數都係做八婆…同佢同屆o既港姐, 好似張可頤, 李綺虹, 甚至陳芷菁…星途都好過佢好多!

至於五美…除o左傅明憲, 仲有我極之唔buy o既彭子晴 (尤其o係“真情”年代…我支持呀雪o架嘛! 不過依家連飾演呀雪o既滕麗名我都唔多buy喇!), 同埋o係o個期同彭子晴成日扮雙妹嘜o既姚瑩瑩, 仲有同姚瑩瑩一樣有語障o既陳彥珩…呀行姐除o左sell身材之外, 必定係sell懶音…偏偏無線就分別安排佢同埋另一位“懶音之王” (係指當年, 依家呢個年代再多o左d懶音怪)-黃紀瑩(但無被列入五美中)o係唔同階段做k-100主持…唔知係咪玩o野?!

最後一位入選五美o既, 相信係大家諗都諗唔到, 講完你都唔會信o既曹眾女士! 佢由始至終都係一副北姑師奶look, 六叔當年居然肯同呢位鄉音未改o既北方佳麗十指緊扣去睇戲…真係委屈晒佢…sorry呀, 六叔! 跟住呢位呀姑居然都偶然有得做o下2線主角, 仲進入五美之列, 名副其實係係無線o既黑暗期!

以上o既所謂五虎五美, 當然同80年代o既無得比…所以話: 八十年代是多麼美好的!